சிவப்பு அவல் கொழுக்கட்டை/Red Aval Kolukkattai

சிவப்பு அவல் கொழுக்கட்டை :
சிவப்பு அவல் கொழுக்கட்டை சுவையானது மட்டுமல்ல சத்தானதும் கூட…குழந்தைகளும் விரும்பி சுவைப்பார்கள் .
சிவப்பு அவல் நிறைந்த சத்துக்களும், எளிதில் செரிக்கக்கூடியதுமான மனிதனுக்கு அவசியம் தேவையான
இரும்பு சத்து, எளிதில் செரிமானமாகும் தன்மை, குறைவான கலோரி மற்றும் நார்சத்து கொண்டது, நல்ல கார்போஹைட்ரெட் கொண்டதால் அருமையான ஊட்டச்சத்து மிகுந்த உணவாக இதை உட்கொள்ளலாம்.
பொதுவாக அவலில் உப்புமா, இனிப்பு அவல் மற்றும் பாயசம் மட்டுமே செய்வதுண்டு, இங்கு கொஞ்சம் வித்யாசமாக அனைவரும் விரும்பி உண்ணும் கொழுக்கட்டை செய்யலாம்,

செய்யத்தேவையான பொருட்கள் : yield 15 nos
அவல் -1 கோப்பை
வெல்லம் -3/4 கோப்பை
தண்ணீர்-1 கோப்பை

தேங்காய் துருவல்-3 மேஜைக்கரண்டி

குறிப்பிட்ட அளவு தன்னீர் சேர்த்தல் அவசியம். அவல் தண்ணீர் உறிஞ்சும் சக்தி உடையது
முந்திரி -5
நெய்-2 மேஜைக்கரண்டி

செய்முறை:
அவலை வெறும் வாணலியில் இரண்டு நிமிடம் வறுத்து எடுத்துக்கொள்ளவும் .

சூடு ஆறியதும் மிக்ஸியில் ரவை போல பொடித்து கொள்ளவும்.

வாயகன்ற பாத்திரத்தில் பொடித்த அவலை சேர்த்து அதில் 1 கோப்பை நீரை சிறுது, சிறிதாக தெளித்து பிசறி வைத்துக்கொள்ளவும்.(புட்டு போல கட்டிகள் இல்லாமல்)


அடுப்பில் ஒரு கடாய் வைத்து 1 கோப்பை வெல்லம்,1/2 கோப்பை நீர் சேர்த்து கொதிக்க விடவும் கட்டிகள் கரைந்ததும் வடிகட்டி மறுபடியும் அடுப்பில் வைத்து கொதிக்க விடவும்.


இப்போது பிசறி வைத்துள்ள அவல் சேர்த்து கிளறவும், நன்கு கலந்து அடுப்பிலிருந்து எடுத்து வைத்துக்கொள்ளவும்.
வாணலியில் நெய் சேர்த்து முந்திரியை பொன்னிறமாக வறுக்கவும், துருவிய தேங்காய் சேர்த்து சிறிது வறுத்து, ஏலக்காய் பொடி சேர்க்கவும்.
இப்போது வறுத்த முந்திரியை மாவுடன் சேர்த்து கலந்து விடவும். சிறு எலுமிச்சை அளவு உருண்டைகளாக உருட்டி ஆவியில் வேகவைத்து பரிமாறவும். இட்லி தட்டில் வைத்து ஆவியில் வேகவைக்கவும்.

 

பருப்பு மாவத்தால் குழம்பு/Dal Curry

பருப்பரைத்து கொதிக்க விடுதல்: 

அதன் பெயரிலேயே முறை விளங்கிவிடும் அவ்வளவு எளிய சுவையான ஒரு குழம்பு வகை. இது கேழ்வரகு கூழ், கம்பங்கூழ் மற்றும் சாதத்திற்கு ஏற்றது .

எந்தெந்த சூழ்நிலையில் எப்படி வாழ்வது என்பதை வாழ்ந்து காட்டி உள்ளனர் நம் முன்னோர்கள். சூழ்நிலைக்கேற்ப வாழக் கற்றுக்கொள்வது சிறப்பு, வசதியான சமயத்தில் சிறிது சுகமாகவும், சிக்கனம் கையாளவேண்டிய தருணத்தில் சாமர்த்தியமாகவும் எப்படி வாழ்வது என்பதை நாம் உட்கொள்ளும் உணவு வழியாகத் தெரியப்படுத்தியிருக்கிறார்கள்.
எளிமையான உணவுமுறையிலும், சிக்கனம் சோறு போடும் என்பதற்கு ஏற்ப, பருவகால காய்கறிகளை பதப்படுத்ததி வத்தல் வகை, பருப்பு, தானியம், உப்புக்கண்டம் போன்றவற்றை ஆரோக்கியமானதாகவும் சூழ்நிலைக்கேற்ப சமைத்து நமக்கு வாழ்கை முறையை செவ்வனே வாழ வழி வகுத்திட்ட நம் முன்னோர்களின் திட்டமிட்ட வாழ்க்கையைக் கண்டு பெருமைப்படுவோம்.
அப்படி ஒரு எளிய வகையான பருப்பு குழம்பு அனைவரும் பயன் பெரும் வகையில் இங்கு பகிரப்பட்டுள்ளது

செய்யத்தேவையான பொருட்கள்:
அரைக்க:
துவரம்பருப்பு-2 மேஜைக்கரண்டி (4 பேருக்கு பரிமாறும் அளவு)
வர மிளகாய்-1
சீரகம்-1/4 தேக்கரண்டி
பூண்டு -3 பல்


தாளிக்க:
கடுகு-1/4 தேக்கரண்டி பெருங்காயம்-2 சிட்டிகை
மாங்காய் வத்தல்-4 (அல்லது தக்காளி-1)
மாவதால் நன்கு கழுவி 20 நிமிடம் ஊறவைக்கவும்.
சிறிய வெங்காயம்-5

செய்முறை:
பருப்பு 30 நிமிடம் ஊறவைத்து ஊறியதும், பூண்டு, சீரகம் மிளகாய் சேர்த்து விழுதாக அரைத்துக்கொள்ளவும்.


வானலியில் எண்ணெய் காயவைத்து கடுகு, பெருங்காயம், தாளித்து கறிவேப்பிலை,வெங்காயம் மற்றும் தக்காளி சேர்த்து வதக்கவும்.

இப்போது ஊறிய மாவத்தல் சேர்த்து கொதிக்கவிடவும்.நன்கு கொதிக்கும் சமயம் அரைத்த விழுது, உப்பு சேர்த்து கொதிக்க விடவும் பருப்பு மாவத்தல் குழம்பு தயார். இது கேழ்வரகு கூழ், கம்பங்கூழ் மாற்றும் சாதத்திற்கு ஏற்றது.

கேழ்வரகு/ராகி அல்வா/Ragi Halwa

கேழ்வரகு/ராகி அல்வா :


கேழ்வரகு சிறப்பு அறிவோம்

கேழ்வரகு உண்பதால் ஏற்படும் நன்மைகள்


ஊட்ட உணவு கேழ்வரகில் “புரதம், நார்ச்சத்து, மக்னிசியும்” போன்ற வேதி கலவைகள் அதிகம் இருப்பதால் உடலில் சிவப்பு ரத்த அணுக்கள் பிராண வாயுவை கிரகிக்கும் தன்மையை அதிகப்படுத்துகிறது. இதனால் உடலுக்கு அதிக உற்சாகமும், எளிதில் உடல் சோர்வு அடையாத நிலையை தருகிறது. விரைவில் உடல் எடை குறைக்க கேழ்வரகு உணவுகளை அதிகம் உண்ண வேண்டும். கேழ்வரகில் இருக்கும் “ட்ரிப்டோபான்” எனப்படும் பொருள் பசி அதிகம் ஏற்படுவதை கட்டுப்படுத்துவதால் உடல் எடை சீக்கிரத்தில் குறைக்க முடிகிறது.
உடல் சூடு மனிதர்களின் உடல் எப்போதும் சராசரியான உடல் வெப்பத்தை கொண்டிருக்க வேண்டும். கோடை காலங்களில் எல்லா மனிதர்களுக்கும் உடல் சூடு அதிகரித்து, அதிகம் வியர்த்து உடலின் சில அத்தியாவசிய சத்துக்கள் வியர்வை வழியாக வெளியேறிவிடுகிறது.கேழ்வரகு கூழ், களி போன்றவற்றை சாப்பிடுவதால் உடல்உஷ்ணம் அதிகரிப்பதை தடுத்து உடலை குளிரச்செய்யும்.
பதற்றம், மனஅழுத்தம், நரம்பு கோளாறுகள், தூக்கமின்மை போன்ற பிரச்சனைகள் அதிகம் ஏற்படுகின்றன. கேழ்வரகில் நரம்புகளை வலுப்படுத்தும் சத்துகள் அதிகம் உள்ளன. கேழ்வரகு உணவுகளை அவ்வப்போது சாப்பிட்டு வருவதால் உடல் மற்றும் மன நலம் மேம்படும்
தாய்மார்களுக்கும் உடல் சக்தி பெருகும். தோல் பளபளப்பு பெற்று இளமை தோற்றத்தை அதிகரிக்கிறது.

Halwa:
கேழ்வரகில் கால்சியம் சக்தி அதிகம் உள்ளது. வாரம் ஒரு முறை அல்லது இருமுறை கேழ்வரகு உணவுகளை சாப்பிட்டு வருவது, பற்கள் மற்றும் எலும்புகளின் உறுதித்தன்மையை அதிகரிக்கும்.
கேழ்வரகு அல்வா மிக்க சுவையான பல சிறப்பு அம்சம் கொண்ட அல்வா அதிக நெய் இல்லாமல் தேங்காய்ப்பாலின் சுவையும் மனமும் கலந்த ஒரு இனிப்பு வகை வெல்லம் சேர்த்து செய்வதால் இன்னும் இரும்புச்சத்து அதிகமாக கொண்டது சுவை தைரியமாக செய்து அசத்துங்கள்.


பொருட்கள்:
கேழ்வரகு மாவு-1 கோப்பை
தேங்காய் பால் -1 கோப்பை கெட்டியாக
தண்ணீர்-2 கோப்பை (இரண்டு பால் ஒரு பங்கு தண்ணீர் சேர்த்தும் செய்யலாம்)
வெல்லம்-1 1/4 கோப்பை
நெய்-2 மேஜைக்கரண்டி
முந்திரி- 10
செய்யும் முறை :
கேழ்வரகு மாவை 1 மணி நேரம் இரண்டு கோப்பை தண்ணீரில் ஊறவைத்து, மெல்லிய துணியால் வடிகட்டி வைத்துக்கொள்ளவும். (ராகி பால் )


வானலியில் 1 மேஜை கரண்டி நெய் விட்டு முந்திரியை பொன்னிறமாக வறுத்து வைத்துக்கொள்ளவும்.
கெட்டியான தேங்காய் பால் மற்றும் கேழ்வரகு மாவை ஒன்றாக கலந்து அதே வானலில் சேர்த்து கட்டி தட்டாமல் கிளறவும். தீ மிதமானதாக வைத்து கை விடாமல் கிளறவும்.


நல்ல கெட்டியாக வரும் சமயம் வெல்லம் சேர்த்து கிளறவும். (வெல்ல ம் 1/4 கோப்பை நீரில் அடுப்பில் வைத்து கரைத்தும் சேர்க்கலாம்).


இடையில் நெய் சேர்த்து நன்கு கிளறவும் 10 நிமிடம் வரை அப்படியே கிளறவும், கண்ணாடி போல் நன்கு அல்வா பதம் வந்ததும் ஏலக்காய் பொடி சேர்த்து கிளறி, வறுத்த முந்திரிபருப்பு தூவி பரிமாறவும்.


தேங்காய் பாலோடு சேர்த்து கிண்டுவதால் நல்ல தேங்காய் பால் மனம் அசத்தலாக இருக்கும் நெய்யும் குறைவாகவே சேர்க்கலாம்.

 

 

சைவ கோலா உருண்டை

சைவ கோலா உருண்டை:
கோலா உருண்டை என்றாலே அது அசைவத்தில் மட்டுமே செய்யமுடியும் என்பதை முற்றிலும் மாற்றும் வகையில் ஒரு அற்புத சுவை கொண்ட சைவ கோலா உருண்டை இது.
சோயா மீல் மேக்கர் கொண்டு சுவையான கோலா உருண்டை எளிதில் செய்துவிடலாம் ஈஸி ரெசிப்பி
இதை சாம்பார் சாதம், தயிர் சாதம் உடன் பரிமாறலாம், இதை தக்காளி சாஸுடன் அப்படியே பரிமாறலாம்.
ஊறவைத்து, அரைக்க, பொரிக்க, என இரண்டு பக்குவத்தை கையாண்டால் போதுமானது.
உங்கள் சுவை அரும்புகளை உற்சாகப்படுத்த இதோ செய்முறை

அரைக்க:
சோயா- மீல்மேக்கர் -1 கோப்பை
பச்சை மிளகாய்-4
தேங்காய்-1/4 கோப்பை
பூண்டு-4 பல்
இஞ்சி-2 அங்குலம்
சோம்பு-1/2 தேக்கரண்டி
சீரகம்-1/2 தேக்கரண்டி
மிளகு-4
பட்டை,கிராம்பு,ஏலக்காய் அல்லாது கரம் மசாலா போடி-1/2 தேக்கரண்டி
பொட்டு கடலை-1/4 கோப்பை
முந்திரி பருப்பு-6
உப்பு-1/2 தேக்கரண்டி
கொத்தமல்லி இலை-1 கைப்பிடி
செய்முறை:
மீல் மேக்கரை வெது வெதுப்பான நீரில் 1/2 மணி நேரம் ஊறவைத்து, பின்னர் தண்ணீரை நன்கு பிழிந்து எடுத்து வைத்துக்கொள்ளவும்.
முதலில் மசாலா பொருட்களை, மீல் மேக்கர் தவிர்த்து இதர பொருட்களை தண்ணீர் விடாமல் அரைத்து அதில் ஊறவைத்த மீள் மேக்கேரை நன்கு பிழிந்து இந்த மசாலா உடன் சேர்த்து பக்குவமாக அரைத்து கொள்ளவும். உப்பு சரி பார்த்துக்கொள்ளவும். இப்போது கலவை ரெடி.

கைகளில் எண்ணெய்தொட்டு உருண்டைகளாக உருட்டி வைத்துக்கொள்ளவும்.
வெடிப்பு இல்லாமல் நல்ல வழு, வழுப்பாக உருட்டவும் இல்லாவிடில் எண்ணெயில் கரைந்து விட வாய்ப்பு உள்ளது.
கடாயில் எண்ணெய் காயவைத்து, காய்ந்த எண்ணெயில் நிதானமான தீயில் பொன்னிறமாக பொறித்தேடுக்கவும்.

சுவையான சைவ கோலா ருண்டை ரெடி

குறிப்பு:
மீல் மேக்கர் தவிர்த்து, மற்ற அணைத்து மசாலா பொருட்களையும் வதக்கி ஆறவைத்தும் அரைக்கலாம். மிக எளிய முறையில் செய்வதற்கான முறையே மேலே கூறப்பட்டுள்ளது

தட்டை பயறு கத்திரிக்காய் குழம்பு/Kuzhambu

தட்டை பயறு கத்திரிக்காய் குழம்பு :
காய்கறி சுருக்கமான சமயத்தில் சுவையான குழம்பு வகை செய்ய எண்ணினால் இதை செய்யலாம்.
அதிக சிரமம் தேவையில்லை, உடன் காய் செய்யாமலே!!! சுட்ட அப்பளம் சுவை கூட்டும் ரகசியம்.

drumstick

இந்த தட்டை பயறு வைத்தே சாப்பிடலாம், பருப்பு துவையலோ, தக்காளி பச்சடியோ செய்து சுலபமாக பரிமாறலாம்.

இதில் சேர்க்கும் தட்டிய பூண்டு, சோம்பு, சீரகம் இவை அனைத்தும் வாய்வுத் தொல்லை குறைக்கும் குணமுடையது
செய்யத்தேவையான பொருட்கள்:
தட்டை பயறு-1/2 கோப்பை கத்திரிக்காய் 2 அல்லது 3
தக்காளி-1
வெங்காயம்-1
உப்பு-1 தேக்கரண்டி
மஞ்சள் தூள்-1/4 தேக்கரண்டி
புளி கரைத்த சாறு-2 மேஜைக்கரண்டி (சிறி எலுமிச்சை அளவு புளி எடுத்து கரைத்து வடிகட்டி வைத்துக்கொள்ளவும்)
சாம்பார் மிளகாய் போடி-2 தேக்கரண்டி
(மசாலா அரைத்தும் செய்யலாம் குழம்பு அதிக கனிசமான அளவு கிடைக்கும்-குறிப்பு கீழே கொடுக்கப்பட்டுள்ளது)
தாளிக்க:
எண்ணெய் -1 மேஜைக்கரண்டி                                                                                        சோம்பு-1/2
சீரகம்-1/4
கறிவேப்பிலை, தட்டிய பூண்டு பூண்டு- 3 பல், கடைசியாக சேர்க்கவும்
செய்முறை:
தட்டை பயறு வாணலியில் சிறிது வெதுப்பி (வறுத்து) பின் சிறிது மலர வேகவைத்துக்கொள்ளவும். (3/4 பதம் வேக வைத்து எடுத்துக்கொள்ளவும்)
வெந்ததும், உப்பு, கரைத்த புளி, மஞ்சள் தூள், மசாலா போடி சேர்த்து நன்கு கொதிக்க விடவும்.
3 நிமிடம் கொதித்ததும் தாளிதம் செய்யவும், வெங்காயம், கறிவேப்பிலை, வெட்டிய கத்தரிக்காய், தக்காளி, சேர்த்து வதக்கவும்.
தாளித்து,  குழம்பை சேர்த்து 3-5 நிமிடம் இளந்தீயில் கொதிக்க விடவும் நன்கு கொதித்து காய் வெந்ததும் தட்டிய பூண்டு சேர்த்து அடுப்பிலிருந்து இறக்கிவிடவும்.

குறிப்பு:
அரைக்க-சோம்பு-1/4 தேக்கரண்டி
சீரகம் -1/4 தேக்கரண்டி, மிளகாய்-5
மல்லி விதை -1 மேஜைக்கரண்டி
தேங்காய் -1 மேஜைக்கரண்டி
சிறு துண்டு இஞ்சி
நல்ல விழுதாக அரைத்து வெந்த பயறு சேர்த்து கொதிக்க விடவும்.
தட்டை பயறு குழம்பு ரெடி.

கறிவேப்பிலை காம்பு சூப்

கறிவேப்பிலை காம்பு சூப் :

Recipe in English English version of this recipe
கறிகளில் பயன்படுத்தப்படும் வேப்பிலை. அற்புத சுவையும் மனமும் கொண்ட இந்த இலை வகை பெரும்பாலான இந்திய உணவுகளில் முக்கிய இடம் கொண்டுள்ளது. இதில் அளவிற்கு அதிகமான மருத்துவ குணம் கொண்டது நம் உடம்பில் முடி முதல் கால் வரை அணைத்து உறுப்புகளின் வளர்ச்சிக்கும் உதவுகிறது.
பொதுவாக இந்த இலையை மட்டுமே சமையலில் பயன்படுத்துவது உண்டு காம்பை களைந்து குப்பையில் போட்டு விடுகிறோம் காரணம் ஒன்று, அதன் மகத்துவம் அறிவதில்லை மற்றொன்று சமையலில் இதன் பக்குவ முறை குறைவு என்பதே உண்மை.
இங்கு அதன் பயனில் ஒரு அருமையான சூப் செய்து பயன்பெறுவோம்.
இதன் சுவை கிட்டத்தட்ட மட்டன் எலும்பு சூப் போன்ற சுவை கொண்டது இதன் தனிச்சிறப்பு.

soup
செய்முறை:
கறிவேப்பிலை அதன் காம்போடு ஒன்றிரண்டாக வெட்டியது-10 இருந்து 15 வரை
துவரம்பருப்பு-2 தேக்கரண்டி
உப்பு-1/2 தேக்கரண்டி
மஞ்சள் பொடி-1/4
சிறிய வெங்காயம்-3
பூண்டு-2 பல்
தக்காளி-1 சிறியது
இவை அனைத்தையும் 2 டம்ளர் தண்ணீரில் நன்கு 4 or 5 விசில் வரை வேகவிடவும்.


ஆறியதும் மத்தால் நன்கு கடைந்து சாரிரக்கவும்
வடிகட்டி வைத்துக்கொள்ளவும்.


வடிகட்டி வைத்துக்கொள்ளவும்.

தாளிக்க:
வெண்ணை-1/2 தேக்கரண்டி

சோம்பு/ சீரகம்-1/4 தேக்கரண்டி

மிளகு-3

வாணலியில் வெண்ணை சேர்த்து தாளிதம் செய்யவும், சிறிது கரம் மசால் பொடி-1 சிட்டிகை சேர்த்துக்கொள்ளலாம்.
சூப் சேர்த்து நன்கு கொதிக்க விடவும்.


எலுமிச்சை சாறு 1/2 தேக்கரண்டி சேர்க்கவும், மிளகுத்தூள் சேர்த்து பரிமாறவும்.

மேலும் சுவை கூட்ட:
மல்லி விதை-1 தேக்கரண்டி,
மிளகு-5,
சீரகம்-1/2 தேக்கரண்டி
1 பல் பூண்டு சேர்த்து விழுதாக அரைத்து சேர்த்து சூப்போடு கலந்து கொதிக்க விடவும். வறுக்காமலே அரைக்கலாம்

அவல் அடை

அவல் அடை :
சாத்து மிகுந்த அவல் சமையல் முறையில் மிகக்குறைவாகவே பயன்படுத்தப்படுகிறது பொது வாக அவல் உப்புமா, மற்றும் இனிப்பு பதார்த்தங்களிலேயே சேர்க்கிறோம் சமையலில் ஒன்றிரண்டு என செய்வதுண்டு. அதுவும் வட மாநிலங்களில் போகா என்ற உப்மா வகை தினசரி உணவாக செய்வதுண்டு. கொஞ்சம் வித்தியாசமாக சமைக்க எண்ணுபவர்களுக்கு இது ஒரு சவாலே!!!
செய்யத்தேவையான பொருட்கள்:
அவல் -1 கோப்பை ஊறியது (1/2 கோப்பை ஊறவைக்காதது)தண்ணீர் வடித்து, நன்றாக பிழிந்து அரைக்க ஏதுவாக எடுத்துவைத்துக்கொள்ளவும்
அரிசி -1 கோப்பை
பூண்டு-4 பல்
சீரகம்-1/2 தேக்கரண்டி
வர மிளகாய்-2/3
உப்பு-1/2 தேக்கரண்டி
பொடிக்க: ஒன்றிரண்டாக பொடித்துக வைத்து கொள்ளவும்)
நிலக்கடலை-1/4 கோப்பை (வருத்தது )
பொட்டு கடலை -1/4 கோப்பை (வரு கடலை)
சிறிதாக வெட்டிவைத்துக்கொள்ளவும் :
வெங்காயம்-1
தக்காளி-1
கொத்தமல்லி இலை -1 மேஜைக்கரண்டி
செய்முறை:
‘சுத்தம் செய்து, ஊறவைத்த பச்சரிசி மற்றும் பூண்டு, சீரகம் உப்பு ஆகியவற்றை முதலில் அரைத்து பின்னர், அவல் சேர்த்து கெட்டியாக சற்று கொரகொரப்பாக அரைத்து எடுத்துக்கொள்ளவும்.
பொட்டு கடலை மற்றும் வேர்க்கடலையை சற்று கொரகொரப்பாக
அரைத்துக்கொள்ளவும்.
இரண்டையும் ஒன்றாக கலந்து, வெட்டிய வெங்காயம், தக்காளி, கொத்தமல்லி இலை சேர்த்து நன்றாக கலந்து விடவும்.ஆடை மாவு பதத்திற்கு மாவை தயாராக வைத்துக்கொள்ளவும்.
தோசைக்கல்லை காயவைத்து அடை போல ஊற்றி மிதமான தீயில் நிதானமாக இரு புறமும் எண்ணெய் விட்டு வேகவைத்து எடுத்து, தேங்காய் சட்டினியுடன் பரிமாறவும்.

காய்கறி பக்கோடா/Vegetable Pakkoda

காய்கறி பக்கோடா:
சமயம் இது – வீட்டில் செய்து பெருமைகொள்வோம் , கற்று சிறப்படைவோம், வீட்டில் உள்ளோர் பாராட்டும் போது அன்பு பெருகும், சுவைத்து உண்பர், மேலும் நேரம் பயனுள்ளதாக பயன்படுத்தப்படும்.

இதன் சிறப்பு- இதில் கடலை மாவு பேக்கிங் சோடா சேர்ப்பதில்லை.
காய்கறியை அதிகம் உணவில் சேர்த்துக்கொள்வது மிக்க நல்லது என்பது அறிந்ததே, வேகவைத்து, வதக்கி, ஆவியில் வேகவைத்து மற்றும் பச்சயாக சாப்பிடுவது மிகச்சிறந்தது இருப்பினும், குழந்தைகள் சுவை மாறுதலாக விரும்பும் சமயம் கடைகளில் விற்கும் பொருட்களை தேடி செல்வதை விட இப்படி எளிதாக வீட்டிலேயே செய்து அசத்தலாமே!

செய்யத்தேவையான பொருட்கள்
கோதுமை மாவு -1 கோப்பை
ரவை 1 -மேஜைக்கரண்டி
உப்பு-1/2 தேக்கரண்டி
மிளகாய்த்தூள்-1/2 தேக்கரண்டி
பெருங்காயம் அல்லது (இஞ்சிபூண்டு விழுது )
காய்கறி சிறு துண்டுகளாக நறுக்கியது 1 கோப்பை
வெங்காயம்-1/4 கோப்பை
கறிவேப்பில்லை, கொத்தமல்லி, பச்சை மிளகாய் சிறிதாக வெட்டியது மிளகாய் தேவையில்லையெனில் தவிர்க்கலாம்.

செய்முறை:
1. கோதுமை மாவை சிறுது வறுத்து வைத்துக்கொள்ளவும் நல்ல மனம் கூட்டும்.
2. வாயகன்ற பாத்திரத்தில் கோதுமை மாவு, ரவை, உப்பு, மிளகாய் தூள் சேர்த்து கலந்து விடவும்.

3. இதர காய்கறிகளை சேர்த்து தண்ணீர் கலக்காமல் நன்கு கிளறிக்கொள்ளவும்


4. பின்னர் சிறிதளவு-1/4 கப் தெண்ணீர் சேர்த்து கலந்து விடவும் தேவை பட்டால் இன்னும் கொஞ்சம் சேர்த்துக்கொள்ளலாம்.

நன்றாக எல்லாவற்றையும் சேர்த்து பிசைந்து கொள்ளவும்.


5. கெட்டியாக பிசைந்து கொள்ளவும் தண்ணீர் சிறிது, சிறிதாக சேர்க்கவும்,.சப்பாத்தி மாவை விட தளர்த்தியாக இட்லி மாவை விட கெட்டியாக வைத்துக்கொள்ளவும்.


6. வாணலியில் எண்ணெய் காய வைத்து நன்கு காய்ந்ததும், சிறு உருண்டைகளாகவோ அல்லது கிள்ளியோ போட்டு வேகவைக்கவும் .
7. நன்கு பொன்னிறமாக  வெந்ததும் எண்ணெய் வடித்து எடுத்து பரிமாறவும் மிகவும் சுவையாக இருக்கும்.

வெஜிடபிள் பாக்களோட தயார் இது , சைடு டிஷ், மெயின் டிஷ் மத்திய உணவுடன் , இடை பலகாரம், சூப்புடனும் பரிமாறலாம். அனைவரும் வரவேற்கும் ஒரு எளிதான சுவை கொண்டது.

மற்றொரு முறை
எண்ணெயில் பொறிப்பது பிடிக்காவிட்டால் சிறுது தளர்த்தியாக்கி இட்லி மாவு போல , குழி பணியார கல்லில் ஊற்றியும் வேகா வைக்கலாம்.

 

வாழைப்பூ மீன் வறுவல்/Banana flower Fritters

வாழைப்பூ மீன் வறுவல் :
வாழையடி வாழையாக தழைத்து வாழ வாழ்த்துவோம்- வாழை ஒரு கன்று போதும் பிறருக்கு தன்னை முழுதுமாக அர்ப்பணிக்கும் மகத்துவம் பொருந்தியது. மரம், பூ, இலை, காய், கனி, தண்டு, அதன் நார் கூட பயன் தரும் சிறப்பு பொருந்தியது. ஒவ்வொன்றிலும் ஒரு தனிச்சிறப்பு என நமக்கு கிடைத்த வரப்பிரசாதம் எனவே சொல்லலாம். உணவாகவும், மங்கலப்பொருளாகவும் ,மருத்துவகுணம் பொருந்தியது இவ்வகையில் நாம் இன்று வாழைப்பூவின் சிறப்பு சுவை அறிவோம். துவர்ப்பு குணம் கொண்ட வாழைப்பூவை நாம் குறைவாகவே பயன்படுத்துகிறோம். அனைவரும் விரும்பி ஏற்கும் வகையில் ஒரு செய்முறை காண்போம்

வாழைப்பூ மீன் வறுவல்:

1. வாழைப்பூ -1 கோப்பை (உள் நரம்பு நீக்கி சுத்தம் செய்தது)


2. உப்பு-1/2 தேக்கரண்டி
3. மஞ்சள் தூள்-1/4
4. மிளகாய்த்தூள் 1/2
5. அரிசி மாவு-4 மேஜைக்கரண்டி
6. மைதா மாவு அல்லது (கோதுமை மாவும் கடலை மாவும் சம அளவு கலந்து சேர்த்துக்கொள்ளலாம் ) -3 மேஜைக்கரண்டி


7. இஞ்சி பூண்டு விழுது-1/2 தேக்கரண்டி
8. எலுமிச்சை சாறு-2 தேக்கரண்டி
9. பொறிக்க -எண்ணெய் -100மில்லி
செய்முறை:
2 ல், இருந்து 8 வரை உள்ள பொருட்களை ஒரு அகண்ட பாத்திரத்தில் தண்ணீர் கலந்து தோசை மாவு பதத்திற்கு கரைத்துக்கொள்ளவும்.


5 நிமிடம் கழித்து
வாழைப்பூவை ஒன்றொன்றாக தோய்த்து காய்ந்த எண்ணெயில் பொன்னிறமாகும் வரை மிதமான தீயில் பொரித்தெடுக்கவும்.


சுவையான வாழைப்பூ வறுவல் தயார்.

 

காய்கறி பச்சை குழிப்பணியாரம்/Green Vegies Paniyaram

பச்சை காய்கறி குழிப்பணியாரம் :
ஆரோக்கியமான எளிய உணவு வித்தியாசமா என்ன செய்யலாம்? அனைவருக்கும் பிடிக்குமா? செய்வது எளிமையா? நித்தம் ஒரு சுவை படைத்திட விரும்பும் இல்லத்தரசிகள் மனதில் தோன்றும் கேள்விகள் இவை…
மிகவும் எளிமையான, சத்தான, சுவையும் மனமும் நிறைந்த இதை செய்து பாருங்கள், பெயரே அதன் சிறப்பை உணர்த்தும்.
பச்சைபாசிப்பயறு: அதன் நிறத்திற்கு ஆதாரம், அதிகமான நார்சத்து,புரதச்சத்து மற்றும் பிற சத்துக்கள் அடங்கியது.
காய்கறி : உடன் சத்தை அதிகரிக்கும் சுவையைக்கூட்டும்.
வடிவம்: குழிப்பணியாரம், அணைத்து வயதினரும் விரும்பி உண்ணக்கூடியது.

புதியன படைப்போம்,ஆரோக்கியமான வாழ்வமைப்போம்


செய்யத்தேவையான பொருட்கள்:
அரைக்க :
பச்சை பயறு-1/2 கோப்பை
பச்சை மிளகாய்-3
கொத்தமல்லி இலை -1 பிடி
சீரகம்-1/2 தேக்கரண்டி
பூண்டு-4, அல்லது இஞ்சி விருப்பத்திற்கு ஏற்ப
உப்பு சுவைக்கு
காய்கறி – காளான் குடைமிளகாய்,வெங்காயம், தக்காளி பொடியாக நறுக்கிக்கொள்ளவும்.

செய்முறை:
பச்சை பயிரை இரவுமுழுவதும் ஊறவைத்து (8-10 மணி நேரம்)
மேலே கூறியுள்ள ‘அரைக்க’ பொருட்களோடுசேர்த்து நல்ல விழுதாக அரைத்தெடுத்துக்கொள்ளவும்.
மேற்கூறியுள்ள பொடியாக அறிந்த காய்கறிகளை மாவுடன் சேர்த்து நன்கு கலக்கவும் தேங்காய் துண்டுகளும் இதில் சிறிதளவு(1tsp) சேர்க்கலாம் குழந்தைகள் விரும்பி உட்கொள்வர்.


குளிப்பானியார கல்லில் எண்ணெய் ஊற்றி காய்ந்தபின் காய் கலந்த மாவை ஊற்றி இருபுறமும் இளம் தீயில் நிதானமாக வேகவைத்து எடுக்கவும்.

இதனுடன் மிளகாய் சட்னி சுவை சேர்க்கும். புதியன படைப்போம் ஆரோக்கியமான வாழ்வமைப்போம்.

குறிப்பு :

1. தீயின் வேகம் அதிகமாயிருந்தால் வெளியில் கருகியும் உள்ளே வேகமலும் இருக்கும் பொறுமையாக வேக வைக்கவும்.

2. காய் கறிகளை கலந்தோ, அல்லது இடையில் தூவி மேலே சிறிது மாவு ஊற்றியும் செய்யலாம்.