சிறுதானிய பொரி உருண்டை/ Millet Snack

சிறுதானிய பொரி உருண்டை:

சிறு தானியம் ஒரு பிரபலமான உணவாக பெருகிவரும் இக்காலத்தில் அதன் பல்வேறு செய்முறைகளும் பகிரக்காண்கிறோம் அந்த வகையில், இது ஒரு வித்யாசமான பயனுள்ள குறிப்பாக இங்கு பதிவிடுகிறேன். சிறு தானியத்தை பொரியாக்கி, பொரியை மாவாக்கி, நெய், சர்க்கரை சேர்த்து உருண்டையாக்கி சத்து நிறைந்த ஒரு தின்பண்டமாக குடும்பத்தோடு சுவைத்து மகிழ்வீர்.

பிள்ளையார் நோம்புக்கு பொரித்த பொரி என்னசெய்வது? வீணாக்காமல் செய்தால் பிரமாதமான சுவையோடு சத்தான பொரி மாவுருண்டை

சிறுதானிய பொரி உருண்டை/ Millet Snack
சிறுதானிய பொரி உருண்டை/ Millet Snackசிறுதானிய பொரி உருண்டை/ Millet Snack

செய்முறை:
கம்பு -100கிராம்
சோளம் -100கிராம்
அவல் -100கிராம்
தினை -100கிராம்
வரகு -100கிராம்
நெய்-250 அல்லது 300 மில்லி
வெல்லம் / சர்க்கரை -300 கிராம் மாவாக பொடித்துக்கொள்ளவும்
கம்பு, சோளம் தினை,வரகு, அவல் இவற்றை தனித்தனியாக பொறித்து எடுத்துக்கொள்ளவும்.


மிக்ஸியில் பொடியாக்கிக்கொள்ளவும்,
பொடித்த சர்க்கரையை சேர்த்து கலந்து வைத்துக்கொள்ளவும்.


நெய்யை சூடு பண்ணி, கலந்த மாவை சேர்த்து இளம் சூட்டில் கிளறவும்.

கை பொறுக்கும் சூடு வந்ததும் அடுப்பிலிருந்து இறக்கி சிறு உருண்டைகளாக உருட்டவும்
சிறுதானிய பொரி உருண்டை தயார்

சிறுதானிய பொரி உருண்டை/ Millet Snack
சிறுதானிய பொரி உருண்டை/ Millet Snack

 

கோதுமை பிரியாணி / Wheat Biryani

கோதுமை பிரியாணி:
நறுமணம் நிறைந்த மசாலாக்கலவை தான் பிரியாணியின் தனிச்சிறப்பு. பொதுவாக பிரியாணி என்றாலே அரிசியில் செய்யும் பிரியாணி தான் நினைவிற்கு வரும், மாறுதலாக நார்ச்சத்து நிறைந்த கோதுமை ரவை அல்லது புல்குர் வைத்து, அதே செய்முறைகொண்டு சுவையான செய்முறையில் செய்யலாம். காய்கறி,காளான் அல்லது கோழிக்கறி, அவரவர் விருப்பத்துக்கேற்ப செய்யலாம்.

கோதுமை பிரியாணி / Wheat Biryani
கோதுமை பிரியாணி / Wheat Biryani

செய்யத்தேவையான பொருட்கள்:
கோதுமை ரவை-1 கோப்பை
வெங்காயம்-1
தக்காளி-1
காய் வகைகள் -1 கோப்பை
உப்பு -1 தேக்கரண்டி
மஞ்சள் தூள் -1/2 தேக்கரண்டி
மிளகாய்த்தூள் -1/2 தேக்கரண்டி
கரம் மசாலா தூள்-1/2 தேக்கரண்டி
தேங்காய்ப்பால் -1 கோப்பை
தண்ணீர்-2 கோப்பை
எலுமிச்சைச்சாறு 1 தேக்கரண்டி
அரைக்க:
இஞ்சி-1 அங்குலம் துண்டு
பூண்டு-4 பல்
சோம்பு-1/2 தேக்கரண்டி
சீரகம்-1/2 தேக்கரண்டி
பச்சைமிளகாய் -3
மிளகு-1/4 தேக்கரண்டி
புதினா-1 கைப்பிடி
மல்லி இலை -1 கைப்பிடி
தாளிக்க:
எண்ணெய் -4 மேஜைக்கரண்டி
நெய் -1 மேஜைக்கரண்டி
லவங்கம்-3 அங்குலம்
பட்டை-1 அங்குலம்
கிராம்பு-3
ஏலக்காய்-1
கல்பாசிப்பூ
ஜாதிபத்திரி சிறிது
முந்திரி-5
செய்முறை:
1.”அரைக்க” பொருட்களை ஒன்றிரண்டாக அரைத்து எடுத்துக்கொள்ளவும்.

2.காய்களை சுத்தம் செய்து வெட்டி வைத்துக்கொள்ளவும்.


3.கோதுமை ரவையை 1 மேஜைக்கரண்டி நெய் சேர்த்து கைபொறுக்கும் சூடாக வறுத்துக்கொள்ளவும்.
4, வாயகன்ற பாத்திரத்தில் நெய்விட்டு முந்திரி பருப்பை வறுத்து எடுத்துக்கொள்ளவும்.
5.எண்ணெய் ஊற்றி “தாளிக்க பொருட்களை” தாளிதம் செய்யவும்.
6. வெங்காயம் சேர்த்து பொன்னிறமாக வதக்கவும்.
7. காய், காளான் அல்லது மட்டன் சேர்த்து 3 நிமிடம் வதக்கவும், பிறகு அரைத்த கலவை சேர்த்து வதக்கவும்.


8. நன்கு பச்சைவாடை மாறும் சமயம் தக்காளி, உப்பு, மஞ்சள் தூள், மற்றும் மிளகாய்த்தூள் சேர்த்து வதக்கவும்.
9. தேங்காய்ப்பால், தண்ணீர் சேர்த்து கொதிக்க விடவும்.
10. வறுத்த கோதுமை ரவை சேர்த்து கலக்கவும், மிதமான தீயில் மூடிவைத்து வேகவைக்கவும் அல்லது, 1 விசில் வரை விடவும்.


11. கொத்தமல்லி, புதினா, வறுத்த முந்திரி, நெய், எலுமிச்சைச்சாறு 1 தேக்கரண்டி விட்டு, கிளறி சூடாக பரிமாறவும்.

 

தேங்காய் சாதம் / Coconut fried rice

தேங்காய் சாதம் :
உடனடி தயாரிப்பில் மிக எளிமையாகவும், குறுகிய நேரத்தில் சுவையாக மற்றும் ஆரோக்கியமாகவும் இந்த தேங்காய் சாதம் தயாரித்து விடலாம். தேங்காய் தேகத்துக்கு மிகவும் நன்மை தரக்கூடியது, தோல் மெருகேற்றவும், வயிற்றுப்புண், வாய்ப்புண் ஆறவும் உதவுகிறது.

தேங்காய் சாதம் / Coconut fried rice
தேங்காய் சாதம் / Coconut fried rice

செய்யத்தேவையான பொருட்கள் :
வடித்த சாதம் 2 கோப்பை
தேங்காய் துருவியது – 1 கோப்பை
உப்பு-1/2 தேக்கரண்டி
தாளிக்க:
எண்ணெய் -2 மேஜைக்கரண்டி
கடுகு-1/2 தேக்கரண்டி
உளுத்தம் பருப்பு -1/2 தேக்கரண்டி
கடலை பருப்பு -1/2 தேக்கரண்டி
வேர்க்கடலை- 1 தேக்கரண்டி
முந்திரி பருப்பு- 2 தேக்கரண்டி
வர மிளகாய்-3
கறிவேப்பிலை
செய்முறை:
1. ஒரு கோப்பை அரிசியைக் கழுவி 10 நிமிடம் ஊற வைத்து, பாதி தேங்காய் பால், பாதி தண்ணீர், உப்பு சேர்த்து சாதம் ஒன்றோடு ஒன்று ஒட்டாமல் வேகவைத்து எடுத்துக்கொள்ளவும். விருப்பத்திற்கு ஏற்ப
(தேங்காய்ப்பால் சேர்க்காமல் வெறும் தண்ணீரிலும் வடிக்கலாம்)
2. வடித்த சாதத்தை ஆறவைக்கவும். இது கிளறும்போது சாதம் உடைந்துவிடாமல் இருக்க உதவும்.
3. வாணலியில் எண்ணெய் காயவைத்து கடுகு, வரமிளகாய் தாளிதம் செய்யவும்.
4.முதலில் வேர்க்கடலை, பிறகு, கடலைப்பருப்பு, முந்திரி, உளுத்தம்பருப்பு, என ஒன்றொன்றாக சேர்த்து வறுக்கவும்.
5. பிறகு கறிவேப்பிலை, தேங்காய், மற்றும் உப்பு சேர்த்து மிதமான தீயில் 2 நிமிடம் வதக்கவும்.(தேங்காய் அதிகநேரம் வதக்கினால் எண்ணெய் வாடை வரும் கவனம் தேவை)
6. வடித்த சாதம் சேர்த்து கிளறி இறக்கவும்.


சுவையும் மனமும் நிறைந்த தேங்காய் சாதம்  நொடியில் தயார்

மீன் குழம்பு / Fish Kuzhambu

மீன் குழம்பு :
பக்குவமாய் சமைத்த மீன் குழம்பு நாவில் தேனூறவைக்கும். இரண்டு நாட்களுக்கு நாவில் சுவையும், கையில் மணமும் இதன் தனிச்சிறப்பு .
எந்த மீனாக இருந்தாலும் செய்முறை பக்குவம் ஒன்றுதான். அசத்தலான மீன்குழம்பு சுவைக்கு, பக்குவத்தை முறையாக பின்பற்றுதல் அவசியம் இல்லாவிட்டால் மீன் சுவை குழம்பில் சாராமலும், மீன் குழம்பில் கரைந்து முள் மிதப்பதும் சொதப்பிவிடும்.

மீன் குழம்புமீன் குழம்பு
மீன் குழம்பு

செய்யத்தேவையான பொருட்கள்:
மீன் சுத்தம் செய்தது 1/2 கிலோ
சின்ன வெங்காயம் – 1/2 கோப்பை தோலுரித்துக்கொள்ளவும்
10 பல் -பூண்டு தோலுரித்துக்கொள்ளவும்
தக்காளி -2
கறிவேப்பிலை-1 கொத்து
உப்பு 1 1/2 தேக்கரண்டி
மஞ்சள் தூள் -1/2 தேக்கரண்டி
மிளகாய்த்தூள் 1 தேக்கரண்டி
மல்லித்தூள்-1 1/2 தேக்கரண்டி
புளிச்சாறு -3 மேஜைக்கரண்டி
தாளிதம் செய்ய:
சோம்பு-1/2 தேக்கரண்டி
சீரகம் -1/4 தேக்கரண்டி
வெந்தயம் -1/4 தேக்கரண்டி
எண்ணெய் -2 மேஜைக்கரண்டி
செய்முறை:
1. மீனை எலுமிச்சை சாறு, உப்பு சிறிது சேர்த்து நன்கு கழுவி வைத்துக்கொள்ளவும்.
2.பூண்டு, சின்ன வெங்காயம், தக்காளி நறுக்கி வைத்துக்கொள்ளவும்.
3.வாணலியில் எண்ணெய் காய வைத்து தாளிதம் செய்யவும்.
4. வெங்காயம் பூண்டு சேர்த்து சிவந்து வரும் வரை வதக்கவும்.
5. பின்னர் தக்காளி, கறிவேப்பிலை, மஞ்சள் தூள், உப்பு சேர்த்து தோல் விடும் வரை வதக்கவும்.
6.மிளகாய்த்தூள், மல்லித்தூள், புளிச்சாறு, தண்ணீர் 2 கோப்பை,சேர்த்து நன்கு 5 நிமிடம் வரை கொதிக்க விடவும்.
7.குழம்பு கெட்டியாக வரும் சமயம், சுத்தம் செய்த மீன் சேர்த்து மிதமான தீயில் 5 கொதிக்க விடவும்.
சுவையான மீன் குழம்பு தயார்.குறைந்தது 2 மணி நேரம் கழித்து பரிமாறினால் சுவை அற்புதமாக இருக்கும்.

மீன் குழம்பு
மீன் குழம்பு

குறிப்பு:
அடித்த முட்டையின் வெள்ளைக்கரு குழம்பு கொதிக்கும்போது சேர்க்கலாம்.

தேங்காய்ப்பால் மீன் வறுவல்/ Fish Coconut milk Fry

தேங்காய்ப்பால் மீன் வறுவல் :
பழமையில் புதுமை காண்போம். அசைவப்பிரியர்களுக்கு கடல்வாழ் உயிரினம் மீன் வறுவல் அசத்தலான சுவை. வறுவல் என்றால் ஒரே ஒரு குறிப்பைத்தான் நாம் இதுவரை பின்பற்றி வந்தோம் இங்கு மீன் வறுவலில் சிறிய மாற்றுசுவையாக தேங்காய்ப்பால் சேர்த்து செய்யும் முறை காண்போம். தேங்காய்பால் சேர்ப்பதால் மணம், சுவை ,மற்றும் மிருதுத்தன்மை அதிகமாகும். வறுக்கும்போதே அதன் மணம் நம் பசியை வெகுவாகத்தூண்டும். சும்மா அப்படியே சாப்பிடலாம்.

தேங்காய்ப்பால் மீன் வறுவல்
தேங்காய்ப்பால் மீன் வறுவல்

செய்யத்தேவையான பொருட்கள்:
மீன்- 500 கிராம்
மிளகாய் தூள் அல்லது பேஸ்ட்- 1 மேஜைக்கரண்டி
மஞ்சள் தூள் -1/2 தேக்கரண்டி
உப்பு-1/2 தேக்கரண்டி
எலுமிச்சை சாறு -1/2 தேக்கரண்டி
இஞ்சி பூண்டு விழுது -1/2 தேக்கரண்டி
தேங்காய்ப்பால்- 1/2 கோப்பை
வறுத்தெடுக்க எண்ணெய்
செய்முறை:
மீனை நன்கு கழுவி நீரை நன்கு வடித்து எடுத்துக்கொள்ளவும்.
தேங்காய்ப்பால் மற்றும் வறுத்தெடுக்க எண்ணெய் தவிர, மற்ற அனைத்து பொருட்களையும் மீனுடன் சேர்த்து நன்கு பிசறிவைக்கவும். பிரிஜில் 30 நிமிடம் வைத்து வெளியில் 1.30 மணி நேரம் வைத்து ஊற விடவும்.
வாயகன்ற கடாயில் 1 மேஜைக்கரண்டி எண்ணெய் சேர்த்து காய்ந்ததும் மீனை வறுக்கவும்.


முக்கால் பதம் வெந்ததும், ஓரம் சிவந்து வரும் சமயம் 1 மேஜைக்கரண்டி அளவு தேங்காய்ப்பால் சேர்த்து கவனமாக இருபுறமும் திருப்பி வேகவிடவும்.


தேவைக்கு ஏற்றார் போல் வருவலாகவோ, அல்லது சிறிது பால் சத்துடனோ எடுத்து  மிளகுத்தூள், கொத்தமல்லி தூவி பரிமாறவும்.

 

 

கத்தரிக்காய் கொத்சு / Brinjal Kothsu

கத்தரிக்காய் கொத்சு:

ஆடலரசன் நடராஜர் வீற்றிருக்கும், சிதம்பரத்தின் உணவுச்சிறப்பு இந்த கத்தரிக்காய் கொத்சு. அண்ணாமலை பல்கலைக்கழகம் மற்றுமொரு பெருமை, இதைத்தொடர்ந்து நம் நகரத்தார் அதிகம் வாழும் இடம் சிதம்பரம் ஆயிற்று. நான் ருசித்து விரும்பிய இந்த “கொத்சு” அங்கு வசித்துவரும் மக்களிடம் கேட்டறிந்த செய்முறை இங்கு உங்களுக்காக.

வறுத்து பொடித்த மல்லி, மிளகாயின் மண ம் இதன் தனிச்சிறப்பு. இது நமது பிரதான உணவான இட்லி ,தோசைக்கு நல்ல சுவை கூட்டும் .

கத்தரிக்காய் கொத்சு / Brinjal Kothsu
கத்தரிக்காய் கொத்சு / Brinjal Kothsu

செய்யத்தேவையான பொருட்கள்:
வறுத்து பொடிக்க :

சிவப்பு மிளகாய் -4
மல்லி-1 மேஜைக்கரண்டி
1 தேக்கரண்டி எண்ணெயில் பொன்னிறமாக வறுத்து, இடித்து, போடி செய்து, தயாராக வைத்துக்கொள்ளவும்.


கத்திரிக்காய் – 1/2 கிலோ
வெங்காயம்-1 பெரியது
தக்காளி -1 பெரியது
கறி வேப்பிலை
உப்பு -1 தேக்கரண்டி
புளி -1 மேஜைக்கரண்டி சாறு
செய்முறை:
கத்தரிக்காய், வெங்காயம் , தக்காளி பச்சை மிளகாய் வெட்டிவைத்துக்கொள்ளவும்.
வாணலியில் எண்ணெய் காயவைத்து, கடுகு, பெருங்காயம், கறிவேப்பிலை தாளிதம் செய்யவும்.
நறுக்கிய. கத்தரிக்காய், வெங்காயம் , தக்காளி பச்சை மிளகாய் சேர்த்து வதக்கவும் ,

2 கோப்பை நீர் சேர்த்து நன்கு குக்கரில் 3 விசில் வரும் வரை வேக விடவும்.


பிறகு, மையாக கடைந்து கொள்ளவும், வறுத்து பொடித்த மிளகாய், மல்லி போடி சேர்த்து,

உப்பு, மஞ்சள் தூள் மற்றும் புளிக்கரைசல் சேர்த்து 3 நிமிடம் கொதிக்க விடவும்.
மல்லி இல்லை தூவி பரிமாறவும்.

கத்தரிக்காய் கொத்சு / Brinjal Kothsu
கத்தரிக்காய் கொத்சு / Brinjal Kothsu

குறிப்பு:
கத்தரிக்காய் மட்டும் வேகவைத்து கடைந்து கொண்டு, தக்காளி வெங்காயம் வதக்கியும், பொடி கலந்து செய்யலாம்.

முருங்கை காம்பு சூப் / Drumstick stem soup

முருங்கை காம்பு சூப் :
முருங்கை மரம் நமக்கு இயற்கையின் ஒரு வரப்பிரசாதம் என்றே சொல்ல வேண்டும். முருங்கை மரத்தில, இலை, பூ, காம்பு, காய் என அனைத்துமே அதிகமான பயன் தரக்கூடியது. 1 மாத குழந்தை முதல் வயதானவர்கள் வரை இயற்கை வைத்திய மூலிகையாக பயன்படுத்தலாம்.
உதாரணமாக இதில் இரும்பு சத்து
பாஸ்பரஸ்.
புரதம்
கொழுப்பு
கால்சியம்
கார்போஹைட்ரேட்
வைட்டமின் ஏ, சி போன்ற உடலுக்கு முக்கியத் தேவையான சத்துக்கள் நிறைந்துள்ளது.
இதன்,காய், பூ, கீரை பற்றிய செய்முறை நாம் அறிந்ததே இங்கு அதன் கம்பு சமையலில் எப்படி பயன் படுத்தலாம் என்பது பற்றி காண்போம்.


முருங்கை காம்பு சூப்:
தேவையான பொருட்கள்:
முருங்கை கம்பு 2 கோப்பை சுத்தம் செய்து, சிறியதாக வெட்டி வைத்துக்கொள்ளவும்.

பாசி பருப்பு ;1 மேஜைக்கரண்டி
சின்ன வெங்காயம்-5
பூண்டு 3 பல்
பச்சை மிளகாய் 1
தக்காளி பாதி அளவு அல்லது சிறியது
உப்பு-1 தேக்கரண்டி
மஞ்சள் தூள்
சீரகம்-1/4 தேக்கரண்டி
செய்முறை:
மேல் கூறிய அனைத்து பொருட்களையும் ஒன்றாக, குக்கரில் 3 அல்லது 4 விசில் வேகவைத்துக்கொள்ளவும்.


ஆறியதும் நன்கு கடைந்து ஒரு வடிகட்டி வைத்து வடித்துக்கொள்ளவும்.


வாணலியில் 1 தேக்கரண்டி நெய், சீரகம் சிறிது கறிவேப்பிலை ஒரு சிட்டிகை கரம் மசாலா தூள் சேர்த்து தாளிதம் செய்யவும் .
சத்தான, சுவையான முருங்கை காம்பு சூப் தயார்.