மொறு மொறு பக்கோடா / Vengaya Pakkoda

மொறு மொறு பக்கோடா :


மொறு மொறு வெங்காய பக்கோடா நொடியில் தயாராகும் இடை பலகாரம். நண்பர்கள், குடும்ப உறுப்பினர்கள், விருந்தாளிகள், என அனைவரையும் உங்கள் கை வண்ணத்தால் அசத்துங்கள்.
இதோ செய்முறை

செய்யத்தேவையான பொருட்கள்:

கடலை மாவு – 1 கோப்பை (100 கிராம்)
அரிசி மாவு 1/2 கோப்பை (50 கிராம்)
பெரிய வெங்காயம் – 2 பெரியது
கறிவேப்பிலை -3 கொத்து சிறிதாக வெட்டிக்கொள்ளவும்.
பச்சை மிளகாய் – 2 சிறிதாக வெட்டிக்கொள்ளவும்
மிளகாய்த்தூள் – 1 தேக்கரண்டி
பெருங்காயம் – 1/2 தேக்கரண்டி
உப்பு- 1/4 தேக்கரண்டி
சோம்பு- 1/2 தேக்கரண்டி
எண்ணெய் – 1 மேஜைக்கரண்டி
செய்முறை:
1. பெரிய வெங்காயம் நீள வாக்கில் வெட்டிவைத்துக்கொள்ளவும்
2. பச்சைமிளகாய், கறிவேப்பிலை பொடியாக வெட்டிவைத்துக்கொள்ளவும்.
3.ஒரு வாயகன்ற பாத்திரத்தில் வெட்டிய வெங்காயம், கறிவேப்பிலை, பச்சைமிளகாய், உப்பு, பெருங்காயம், மிளகாய்த்தூள், சோம்பு- 1/2 தேக்கரண்டி சேர்த்து நன்கு பிசையவும்.
4. பின்னர், மாவு, எண்ணெய் சேர்த்து தண்ணீர் விடாமல் பிசறிக்கொள்ளவும். எண்ணெய், பக்கோடா மொறு மொறுப்பாக வர உதவும்.
5.தேவைப்பட்டால் 1 மேஜைக்கரண்டி அளவு தண்ணீர் சேர்த்து மாவு வெங்காயத்தில் பரவும் படி பிசறி ரெடியாக வைத்துக்கொள்ளவும்.


6. வாணலியில் எண்ணெய் காயவைத்து பக்கோடாவை சிறிது சிறிதாக பரவலாக போட்டு பொறித்தெடுக்கவும்.


சுவையான மொறு மொறு வெங்காய பக்கோடா தயார். சூடான டீ, காப்பியுடன் பரிமாறவும்.

Advertisements

சர்க்கரைவள்ளி கிழங்கு மிளகு வறுவல்

சர்க்கரைவள்ளி கிழங்கு மிளகு வறுவல் :
சத்து மிகுந்த சர்க்கரைவள்ளி கிழங்கு தற்சமயம் அதிகமாக கடைகளில் காண முடிகிறது இதன் மருத்துவ குணங்கள் கருதி நாம் நமது உணவில் சேர்த்து பயன்பெறும் வகையில் சுலபமான சமையல் குறிப்புகளுடன் சுவையான மிளகு வருவல். உண்ண, உண்ண தெவிட்டாத சுவை சமைத்து பாருங்கள்.

சர்க்கரைவள்ளி கிழங்கு மிளகு வறுவல்

செய்முறை:
சர்க்கரை வள்ளி கிழங்கை கழுவி வட்டமாக நறுக்கிக்கொள்ளவும்.
மூன்று நிமிடம் ஆவியில் வேகவைத்து எடுத்துக்கொள்ளவும்.
வானலியில் எண்ணெய் காயவைத்து வர மிளகாய்,கடுகு, உளுத்தம் பருப்பு தாளித்துக்கொள்ளவும்.
கறிவேப்பிலை சேர்த்து சர்க்கரைவள்ளி கிழங்கு, உப்பு, மஞ்சள் தூள் சேர்த்து மிதமான தீயில் வறுக்கவும் .
இறுதியாக மிளகுத்தூள் சேர்த்து 5 முதல் 10 நிமிடம் வரை மிதமான தீயில் வறுத்தெடுக்கவும்.
சுவையான மொறு மொறு சர்க்கரைவள்ளி கிழங்கு வறுவல் ரெடி .

பலாக்காய் கோலா உருண்ட / Raw jack fruit kola urundai

பலாக்காய் கோலா உருண்ட:
சைவத்தில் ஓர் அசைவ உணவின் செய்முறை கொண்டு அனைவரும் விரும்பும் அற்புத சுவை படைத்திடுவீர்.
பலாக்காய் கோலா உருண்டை எளிய முறையில் சிரமமின்றி தயாரிக்கலாம் சுவையும், மனமும் பசியைத்தூண்டும்.

Baby jack fruit balls
செய்யத்தேவையான பொருட்கள் :
பலாக்காய் துண்டுகள் -2 கோப்பை
பலாக்காய் தோலகற்றி, துண்டுகளாக வெட்டி, மஞ்சள், உப்பு சேர்த்து ஒரு விசில் வேகவைத்து எடுத்துக்கொள்ளவும்.
வருக்கத்தேவையான எண்ணெய்
பொட்டுக்கடலை 2 மேஜைக்கரண்டி
அரைக்க :
பச்சை மிளகாய் -4
பூண்டு- 5 பல்
இஞ்சி-1 சிறு துண்டு
சோம்பு -1 தேக்கரண்டி
சீரகம்-1/2 தேக்கரண்டி
முந்திரி பருப்பு -5
மிளகு-5
பட்டை, கிராம்பு -சில

11713303_921103484597929_1069520784_o
1.மேலே குறிப்பிட்டுள்ள பொருட்களை ஒரு தேக்கரண்டி எண்ணெய்யில் வருத்து   விழுதாக அரைத்துக்கொள்ளவும்.

11720330_921103454597932_1455281386_o
2.பொட்டுக்கடலை 2 மேஜைக்கரண்டி பொடியாக்கி வைத்துக்கொள்ளவும்,
3.வேகவைத்த பலாக்காயை ஒன்றிரண்டாக அரைத்துக்கொள்ளவும்அல்லது மசித்துக்கொள்ளவும்,
4.வேகவைத்த பலாக்காய் , அரைத்த விழுது, பொட்டுக்கடலை மாவு, உப்பு சிறிது சேர்த்து நன்றாக கலந்து ,சிறு,சிறு உருண்டைகளாக உருட்டி வைத்துக்கொள்ளவும்.

11720826_921103461264598_2030406835_o 11720831_921103381264606_149847307_o
5.வாணலியில் எண்ணெய் காயவைத்து பொன்நிறமாக வருத்தெடுக்கவும் .
சுவையான பலாக்காய் கோலா உருண்டை தயார்.

மீன் வறுவல்/ Fish fry

மீன் வறுவல் :

மீன் வறுவல் செய்வது சுலபம், செய்முறையும் எளிமையானது, கடைகளில் விற்கும் மசாலா பொடிகளை விட வீட்டிலேயே நொடியில் கலந்து மீனில் பிசறிவிடலாம். சில நிமிட கவனம், கலப்படமில்லாத மசாலா செய்து விடலாம்.

Meen varuval/Fish fry
Meen varuval/Fish fry

துண்டு மீன் 1/2 கிலோ, வறுவல் செய்ய தேவையான மசாலா பொடி இதோ,
தனி மிளகாய்ப்பொடி -3 தேக்கரண்டி
மஞ்சள் தூள்-1/2 தேக்கரண்டி
உப்பு-1 தேக்கரண்டி
மைதா -1 மேஜைக்கரண்டி
கரம் மசாலா தூள்-1/2 தேக்கரண்டி
மேலே கூறியுள்ள அனைத்தையும் ஒன்றாக கலந்து வைத்துக்கொள்ளவும்.
1 தேக்கரண்டி எலுமிச்சை சாறுடன்,இஞ்சி பூண்டு விழுது -1 தேக்கரண்டி,மற்றும் மசாலாவை கலந்து, மீனில் பிசறி வைக்கவும். 1/2 மணி நேரம்  பிரிட்ஜில் வைத்து, 1 1/2 மணி நேரம் வெளியில் எடுத்துவைத்து ஒவ்வொன்றாக எண்ணெயில் வறுத்தெடுக்கவும்.

img_3832

 

வாழைக்காய் பூண்டு வறுவல் / Raw banana Garlic fry

வாழைக்காய் பூண்டு வறுவல் :

Raw banana Garlic fry recipe in English : http://wp.me/p1o34t-o0
வாழைக்காய் பூண்டு வறுவல், மணமும் சுவையும் நிறைந்தது, சமைக்கும்போதே சுவைக்கத்தூண்டும். மீண்டும், மீண்டும் செய்யத் தோன்றும் ஒரு அற்புத குறிப்பு. பூண்டின் மணமும் , சுவையும் இதன் தனிச்சிறப்பு. மருத்துவ குணம் நிறைந்தது பூண்டு என்பது அறிந்ததே, அதோடு மட்டுமல்லாமல் வாழைக்காய் என்றாலே நம் சிந்தையில் தோன்றுவது வாய்வுத்தொல்லை, அதைக்குறைக்கும் வகையில் உணவே மருந்து என்பதற்கு ஏற்ப இந்தக்கலவை சேர்க்கப்பட்டுள்ளது.
செய்முறையும் சுலபமானது.

IMG_3356
செய்யத்தேவையான பொருட்கள் :
வாழைக்காய் – 3

அரைக்கத்தேவையான பொருட்கள்:
பூண்டு -5 பல் தோலுரித்தது
தக்காளி- 1 சிறியது, சோம்பு-1/2

தனிமிளகாய்த்தூள்-1 தேக்கரண்டி

மஞ்சள்தூள்-1/4 தேக்கரண்டி
உப்பு-1/2 தேக்கரண்டி

தாளிக்க:
எண்ணெய்- 2 மேஜைக்கரண்டி
சோம்பு-1/2
சீரகம்-1/4
கறிவேப்பிலை 1 கொத்து
செய்முறை:
வாழைக்காயை தோலகற்றி, அரைவட்டமாக நறுக்கிக்கொள்ளவும்.
அரைக்கும் பொருட்களை ஒன்றாக சேர்த்து விழுதாக அரைத்துக்கொள்ளவும்.
அரைத்த விழுதை நறுக்கிய வாழைக்காயுடன் பிரட்டி வைக்கவும்.
வாணலியில் எண்ணெய் காயவைத்து தாளிதம் செய்யவும்.
மசாலா பிரட்டியை வாழைக்காயை அதில் சேர்த்து இளந்தீயில் மூடி வைத்து,வறுத்தெடுக்கவும்.
சுவையான வாழைக்காய் பூண்டு வறுவல் ரெடி செய்து மகிழுங்கள் .

கத்திரிக்காய் வறுவல் / Brinjal fry

கத்திரிக்காய் வறுவல் :
ஊட்டச்சத்தும், நார்ச்சத்தும் நிறைந்த, அதிக அளவில் நாம் பயன்படுத்தும் கத்திரிக்காயில் ஒரு எளிய சுவையான வறுவல். இது ரசம், சாம்பார், தயிர் சாதம் என எல்லாவற்றிற்கும் ஏற்றது.
கத்திரிக்காய் வறுவல்: எண்ணெய் குறைவு, சுவையோ அதிகம், செய்வது எளிது.

கத்திரிக்காய் வறுவல்
கத்திரிக்காய் வறுவல்

செய்யத்தேவையான பொருட்கள்:
கத்திரிக்காய்-1/2 கிலோ, பிஞ்சாக இருந்தால் நல்லது.
அரைக்க :
சின்ன வெங்காயம்-5-7 உரித்தது
பூண்டு-3 பல் உரித்தது
தக்காளி-1 சிறியது
தனி மிளகாய்த்தூள்-1 தேக்கரண்டி, அல்லது சிவப்பு மிளகாய் -3, 5
உப்பு-3/4 தேக்கரண்டி
தாளிக்க:
எண்ணெய் -1 மேஜைக்கரண்டி
சோம்பு-1/2 தே .க
உ ழுந்து -1/2 தே .க
கறிவேப்பிலை -1 கொத்து
செய்முறை :
கத்திரிக்காயை நீல வாக்கில் சிறியதாக நறுக்கிக்கொள்ளவும்.
மேலே குறிப்பிட்டுள்ள அரைக்கும் பொருட்களை ஒன்றாக சேர்த்து விழுதாக அரைத்துக்கொள்ளவும்.
வாணலியில் எண்ணெய் காயவைத்து தாளிதம் செய்யவும்.
நறுக்கிய கத்திரிக்காயை சேர்த்து நிறம் மாறும்வரை நன்கு வதக்கவும்.
பிறகு அரைத்த விழுதை சேர்த்து மிதமான தீயில் மூடி வைத்து, வறுத்து எடுக்கவும். வதங்கும் போதே மணம் பிரமாதமாக இருக்கும்.
சுவையான கத்திரிக்காய் வறுவல் தயார்.

13515378_1128281927213416_1210247745_n

வாழைக்காய் வறுவல் / Vazhaikkai Varuval

வாழைக்காய் வறுவல் :

For English please click:     http://wp.me/p1o34t-o0
பெருமை வாய்ந்த வாழை மரம் முழுமையான மகத்துவம் நிறைந்தது, அதன் அடி முதல் நுனி வரை பயன் தரக்கூடியது. முக்கியமாக நாம் சமையலில் பயன்படுத்தும். வாழைக்காய்,வாழைப்பூ, வாழைத்தண்டு, வாழைப்பழம், முறையே சமைத்த இவை அனைத்தையும் வைத்து உட்கொள்ள உதவும் வாழை இலை. அற்புதம், இதன் மருத்துவ குணம் நிறைந்த படைப்பு.
வாழைக்காயின் மிக எளிய, ருசியான குறிப்பு வாழைக்காய் வறுவல், இது ரசம் சாதம், சாம்பார் சதம், தயிர் சாதம் என எல்லாவற்றுடனும் பொருந்தும்.

வாழைக்காய் வறுவல் / Vazhaikkai Varuval
வாழைக்காய் வறுவல் / Vazhaikkai Varuval

தேவையான பொருட்கள்:
வாழைக்காய் 2
சோம்பு-1 தே .க
சீரகம் 1/2 தே .க
தக்காளி-1 சிறிய
பூண்டு-5 பல்
மிளகாய்த்தூள்-1 தே .க
மஞ்சள்தூள்-1/4 தே .க
உப்பு-1/2 தே .க

12166657_971440276230916_1201587656_n
செய்முறை:
1. வாழைக்காயை படத்தில் காண்பது போல் தோல் சீவி நறுக்கிக்கொள்ளவும். (தண்ணீரில் போட்டு வைக்கவும் நிறம் கருக்காமல் இருக்கும்.)

12167478_971440296230914_854210863_n
2.வாழைக்காய்த்தவிர அனைத்து பொருட்களையும் விழுதாக அரைத்துக்கொள்ளவும்.
3.நறுக்கிய வழைக்கயுடம் அரைத்த விழுதை சேர்த்து பிசறவும்.

12165970_971440246230919_1919881796_n
4. அடி கனமான பத்திரத்தில், 4 தேக்கரண்டி எண்ணெய் காய வைத்து கறிவேப்பிலை சேர்த்து பிசறிய வாழைக்காயை சேர்த்து மிதமான தீயில் வதக்கவும். த ண்ணீர் சேர்க்காமல் வேகும் வரை வதக்கவும்.

12164505_971440196230924_99228743_o
வாழைக்காய் வறுவல் ரெடி.

வாழைக்காய் வறுவல் / Vazhaikkai Varuval
வாழைக்காய் வறுவல் / Vazhaikkai Varuval