கூட்டுக்காய் பிரட்டல்/ Mixed Vegetable Masala

கூட்டுக்காய் பிரட்டல்:

English recipe please click link:  http://wp.me/p1o34t-1gK
மதிய உணவின் ஆர்வத்தை தூண்டுவது அதன் துணை சேர்க்கையான காய்கறிதான். காய்கறியில் தான் எத்துணை வகை! கணக்கிலடங்கா கறிவகையும் அதன் சுவையும் அருமை. பிரட்டல், துவட்டல்,கூட்டு, பொரியல்
பச்சடி, மண்டி, கோலா இன்னும் புதிய கண்டுபிடிப்புகள். நம் நாக்கின் சுவை அரும்புகள் மலரும் வண்ணம் சமைத்து மகிழ்வோம்.
அசத்தும் ருசிச்சிறப்பு இந்த கூட்டுக்காய் பிரட்டலுக்கு உண்டு, சுவை மட்டுமன்றி அனைத்து காய் சேர்க்கையின் சத்தும் கலந்தது இதன் முக்கியச்சிறப்பு. சிறந்த சேர்க்கை ரொட்டி அல்லது சாதம், ரசம்.

கூட்டுக்காய் பிரட்டல்/ Mixed Vegetable Masala

செய்யத்தேவையான பொருட்கள்:
காய் வகை- 500 கிராம்
காலிஃளார் , பீன்ஸ், உருளைக்கிழங்கு, பட்டாணி, பீட்ரூட்,குடைமிளகாய் மற்றும் காரட்.
வெங்காயம் -1
தக்காளி -1
இஞ்சிபூண்டு விழுது -2 தேக்கரண்டி
மசாலா பொடி-1 தேக்கரண்டி
மிளகாய் பொடி-2 தேக்கரண்டி
உப்பு -1 தேக்கரண்டி
தாளிக்க:
எண்ணெய் -2 மேஜைக்கரண்டி
சோம்பு -1/2 தேக்கரண்டி
சீரகம் 1/2 தேக்கரண்டி
செய்முறை:
காய் வகையை சுத்தம் செய்து சிறு துண்டுகளாக வெட்டிக்கொள்ளவும்.
வாணலியில் எண்ணெய் காயவைத்து தாளிதம் செய்யவும்.
வெங்காயம் சேர்த்து வதக்கவும், இரண்டு நிமிடத்தில் இஞ்சிபூண்டு விழுது சேர்த்து வதக்கவும்.
வெட்டிய உருளைக்கிழங்கு,பீட்ரூட் சேர்த்து இரண்டு நிமிடம் வதக்கவும்.
பின்னர் இதர காய், தக்காளி சேர்த்து வதக்கவும்.
அல்லது அனைத்து காய்களையும் பக்குவமாக வேகவைத்தும் சேர்க்கலாம்.
உப்பு, மசாலாபொடி, மிளகாய்ப்பொடி சேர்த்து கிளறவும், 1/2 கோப்பை தண்ணீர் சேர்த்து
மூடி இட்டு பூப்போன்று வேகவிடவும்.
தேவைக்கேற்ப தேங்காய்ப்பால் அல்லது 2 மேஜைக்கரண்டி தேங்காய், சீரகம் அரைத்த விழுது சேர்த்து சுருளவிடவும், இது சுவைகூட்டுவதோடு விருந்துக்கு அளவும் அதிகமாகும்.

சத்து நிறைந்த கூட்டுக்காய் பிரட்டல் தயார்

கத்திரிக்காய் வறுவல் / Brinjal fry

கத்திரிக்காய் வறுவல் :
ஊட்டச்சத்தும், நார்ச்சத்தும் நிறைந்த, அதிக அளவில் நாம் பயன்படுத்தும் கத்திரிக்காயில் ஒரு எளிய சுவையான வறுவல். இது ரசம், சாம்பார், தயிர் சாதம் என எல்லாவற்றிற்கும் ஏற்றது.
கத்திரிக்காய் வறுவல்: எண்ணெய் குறைவு, சுவையோ அதிகம், செய்வது எளிது.

கத்திரிக்காய் வறுவல்

செய்யத்தேவையான பொருட்கள்:
கத்திரிக்காய்-1/2 கிலோ, பிஞ்சாக இருந்தால் நல்லது.
அரைக்க :
சின்ன வெங்காயம்-5-7 உரித்தது
பூண்டு-3 பல் உரித்தது
தக்காளி-1 சிறியது
தனி மிளகாய்த்தூள்-1 தேக்கரண்டி, அல்லது சிவப்பு மிளகாய் -3, 5
உப்பு-3/4 தேக்கரண்டி
தாளிக்க:
எண்ணெய் -1 மேஜைக்கரண்டி
சோம்பு-1/2 தே .க
உ ழுந்து -1/2 தே .க
கறிவேப்பிலை -1 கொத்து
செய்முறை :
கத்திரிக்காயை நீல வாக்கில் சிறியதாக நறுக்கிக்கொள்ளவும்.
மேலே குறிப்பிட்டுள்ள அரைக்கும் பொருட்களை ஒன்றாக சேர்த்து விழுதாக அரைத்துக்கொள்ளவும்.
வாணலியில் எண்ணெய் காயவைத்து தாளிதம் செய்யவும்.
நறுக்கிய கத்திரிக்காயை சேர்த்து நிறம் மாறும்வரை நன்கு வதக்கவும்.
பிறகு அரைத்த விழுதை சேர்த்து மிதமான தீயில் மூடி வைத்து, வறுத்து எடுக்கவும். வதங்கும் போதே மணம் பிரமாதமாக இருக்கும்.
சுவையான கத்திரிக்காய் வறுவல் தயார்.

வாழைக்காய் மீன் வறுவல் / Vazhaikkai Varuval

வாழைக்காய் மீன் வறுவல் :For English please click: http://wp.me/p1o34t-o0
பெருமை வாய்ந்த வாழை மரம் முழுமையான மகத்துவம் நிறைந்தது, அதன் அடி முதல் நுனி வரை பயன் தரக்கூடியது. முக்கியமாக நாம் சமையலில் பயன்படுத்தும். வாழைக்காய்,வாழைப்பூ, வாழைத்தண்டு, வாழைப்பழம், முறையே சமைத்த இவை அனைத்தையும் வைத்து உட்கொள்ள உதவும் வாழை இலை. அற்புதம், இதன் மருத்துவ குணம் நிறைந்த படைப்பு.
வாழைக்காயின் மிக எளிய, ருசியான குறிப்பு வாழைக்காய் வறுவல், இது ரசம் சாதம், சாம்பார் சதம், தயிர் சாதம் என எல்லாவற்றுடனும் பொருந்தும்.

வாழைக்காய் வறுவல் / Vazhaikkai Varuval

தேவையான பொருட்கள்:
வாழைக்காய் 2
சோம்பு-1 தே .க
சீரகம் 1/2 தே .க
தக்காளி-1 சிறிய
பூண்டு-5 பல்
மிளகாய்த்தூள்-1 தே .க
மஞ்சள்தூள்-1/4 தே .க
உப்பு-1/2 தே .கசெய்முறை:
1. வாழைக்காயை படத்தில் காண்பது போல் தோல் சீவி நறுக்கிக்கொள்ளவும். (தண்ணீரில் போட்டு வைக்கவும் நிறம் கருக்காமல் இருக்கும்.)2.வாழைக்காய்த்தவிர அனைத்து பொருட்களையும் விழுதாக அரைத்துக்கொள்ளவும்.
3.நறுக்கிய வழைக்கயுடம் அரைத்த விழுதை சேர்த்து பிசறவும்.4. அடி கனமான பத்திரத்தில், 4 தேக்கரண்டி எண்ணெய் காய வைத்து கறிவேப்பிலை சேர்த்து பிசறிய வாழைக்காயை சேர்த்து மிதமான தீயில் வதக்கவும். த ண்ணீர் சேர்க்காமல் வேகும் வரை வதக்கவும்.வாழைக்காய் வறுவல் ரெடி.

வாழைக்காய் வறுவல் / Vazhaikkai Varuval