மொறு மொறு பக்கோடா / Vengaya Pakkoda

மொறு மொறு பக்கோடா :


மொறு மொறு வெங்காய பக்கோடா நொடியில் தயாராகும் இடை பலகாரம். நண்பர்கள், குடும்ப உறுப்பினர்கள், விருந்தாளிகள், என அனைவரையும் உங்கள் கை வண்ணத்தால் அசத்துங்கள்.
இதோ செய்முறை

செய்யத்தேவையான பொருட்கள்:

கடலை மாவு – 1 கோப்பை (100 கிராம்)
அரிசி மாவு 1/2 கோப்பை (50 கிராம்)
பெரிய வெங்காயம் – 2 பெரியது
கறிவேப்பிலை -3 கொத்து சிறிதாக வெட்டிக்கொள்ளவும்.
பச்சை மிளகாய் – 2 சிறிதாக வெட்டிக்கொள்ளவும்
மிளகாய்த்தூள் – 1 தேக்கரண்டி
பெருங்காயம் – 1/2 தேக்கரண்டி
உப்பு- 1/4 தேக்கரண்டி
சோம்பு- 1/2 தேக்கரண்டி
எண்ணெய் – 1 மேஜைக்கரண்டி
செய்முறை:
1. பெரிய வெங்காயம் நீள வாக்கில் வெட்டிவைத்துக்கொள்ளவும்
2. பச்சைமிளகாய், கறிவேப்பிலை பொடியாக வெட்டிவைத்துக்கொள்ளவும்.
3.ஒரு வாயகன்ற பாத்திரத்தில் வெட்டிய வெங்காயம், கறிவேப்பிலை, பச்சைமிளகாய், உப்பு, பெருங்காயம், மிளகாய்த்தூள், சோம்பு- 1/2 தேக்கரண்டி சேர்த்து நன்கு பிசையவும்.
4. பின்னர், மாவு, எண்ணெய் சேர்த்து தண்ணீர் விடாமல் பிசறிக்கொள்ளவும். எண்ணெய், பக்கோடா மொறு மொறுப்பாக வர உதவும்.
5.தேவைப்பட்டால் 1 மேஜைக்கரண்டி அளவு தண்ணீர் சேர்த்து மாவு வெங்காயத்தில் பரவும் படி பிசறி ரெடியாக வைத்துக்கொள்ளவும்.


6. வாணலியில் எண்ணெய் காயவைத்து பக்கோடாவை சிறிது சிறிதாக பரவலாக போட்டு பொறித்தெடுக்கவும்.


சுவையான மொறு மொறு வெங்காய பக்கோடா தயார். சூடான டீ, காப்பியுடன் பரிமாறவும்.

Advertisements

ஓமப்பொடி / Omamppodi

ஓமப்பொடி :
கரகரப்பான, மிதமான சுவையுடைய ஓமப்பொடி, பச்சிளம் குழந்தை முதல் வயதானவர்கள் வரை விரும்பி சுவைக்கக்கூடிய ஒரு எளிய தின்பண்டம். ஓமம் மருத்துவ குணமுடையது என்பதால் அதிகம் ஒட்கொண்டாலும் கெடுதல் விளைவிக்காது. தின்பண்டமாக மட்டுமல்லாது இதை தயரித்த உணவின் மேல் அழகுபடுத்தவும் பயன்படுத்தலாம்.

ஓமப்பொடி / Omamppodi
ஓமப்பொடி / Omamppodi

தேவையான பொருட்கள்:
கடலை மாவு- 2 கோப்பை
அரிசி மாவு – 1/4 கோப்பை
ஓமம் -1 மேஜைக்கரண்டி
உப்பு-1/2 தேக்கரண்டி
மிளகாய்ப்பொடி -1/2 தேக்கரண்டி (தேவைப்பட்டால் )
பொரித்தெடுக்க எண்ணெய் -200 மில்லி

செய்முறை:
ஓமம் அரைத்து தண்ணீர் விட்டு வடிகட்டி வைத்துக்கொள்ளவும்.
வாயகன்ற பாத்திரத்தில் மற்ற அனைத்து பொருட்களையும் சேர்த்து,

ஓமம் அரைத்து வடிகட்டிய தண்ணீர் விட்டு கெட்டியாக பிசைந்துகொள்ளவும்.

கடாயில் எண்ணெய் காய வைக்கவும்,  காய்ந்ததும் இடியப்பம் பிழிவது போல் வட்டமாக பிழிந்து இருபுறமும் பொன்னிறமாக வேகவைத்து எடுக்கவும்.

12202176_980877718620505_1006718924_n
ஓமப்பொடி ரெடி.

12200710_980878361953774_1891979152_n

குறிப்பு:
ஓமம தண்ணீரில் வேகவைத்து வடிகட்டிய சாறும் பயன்படுத்தலாம்.