ஓமப்பொடி :
கரகரப்பான, மிதமான சுவையுடைய ஓமப்பொடி, பச்சிளம் குழந்தை முதல் வயதானவர்கள் வரை விரும்பி சுவைக்கக்கூடிய ஒரு எளிய தின்பண்டம். ஓமம் மருத்துவ குணமுடையது என்பதால் அதிகம் ஒட்கொண்டாலும் கெடுதல் விளைவிக்காது. தின்பண்டமாக மட்டுமல்லாது இதை தயரித்த உணவின் மேல் அழகுபடுத்தவும் பயன்படுத்தலாம்.
தேவையான பொருட்கள்:
கடலை மாவு- 2 கோப்பை
அரிசி மாவு – 1/4 கோப்பை
ஓமம் -1 மேஜைக்கரண்டி
உப்பு-1/2 தேக்கரண்டி
மிளகாய்ப்பொடி -1/2 தேக்கரண்டி (தேவைப்பட்டால் )
பொரித்தெடுக்க எண்ணெய் -200 மில்லி
செய்முறை:
ஓமம் அரைத்து தண்ணீர் விட்டு வடிகட்டி வைத்துக்கொள்ளவும்.
வாயகன்ற பாத்திரத்தில் மற்ற அனைத்து பொருட்களையும் சேர்த்து,
ஓமம் அரைத்து வடிகட்டிய தண்ணீர் விட்டு கெட்டியாக பிசைந்துகொள்ளவும்.
கடாயில் எண்ணெய் காய வைக்கவும், காய்ந்ததும் இடியப்பம் பிழிவது போல் வட்டமாக பிழிந்து இருபுறமும் பொன்னிறமாக வேகவைத்து எடுக்கவும்.
குறிப்பு:
ஓமம தண்ணீரில் வேகவைத்து வடிகட்டிய சாறும் பயன்படுத்தலாம்.